Daily Archives: July 11, 2016

આજે સૂર્યપુત્રી તાપીમાતાનો પ્રાગટય દિવસ

Standard

– ૧૦૦૦ વર્ષ પહેલા મધ્યપ્રદેશના સાતપૂડા પર્વતમાં બૈનુલના મુલતાઇ માલપ્રદેશમાં પ્રગટ થયા હતાઃ તાપી કિનારે ૧૦૮ જેટલા તીર્થસ્થાનો

” યદા ન ગંગા સરયુ ને રેવા, ન ગોમતી સાભ્રામતિ ન ભાષા । યદા ન વિશ્વ ન ચ વિશ્વકર્મા, તદા પ્રયાસ કિલ સૂર્ય દેહા ।” ગંગામાં સ્નાન કરવાથી, રેવાના દર્શનથી, સરસ્વતીનું આચમન કરવાથી પવિત્ર થવાય છે. જ્યારે તાપીમાતાનું નિત્ય સ્મરણ કરવાથી સઘળાં પાપોનો નાસ થઇ માનવી પવિત્ર બને છે. અષાઢ સુદ સાતમ એટલે તાપીમાતાનો પ્રાગટય દિવસ. ભારતીય ગ્રંથો અને મહાપુરાણોમાં તાપી નદીનું મહત્વ દર્શાવવામાં આવ્યું છે. ૧૦૦૦ વર્ષ પહેલા સૂર્યપુત્રી તાપી માતા પ્રગટ થયા હતાં અને ત્યારપછી ગંગા, સરયુ, નર્મદા, ભાષા, સાબરમતી નદીઓ અસ્તિત્વમાં આવી.

ઐતિહાસિક ચીજો-બાબતો અંગે  સંશોધન કરનાર સુરતના સંજયભાઇ ચોકસી કહે છે કે, મધ્યપ્રદેશના સાતપૂડા પર્વતમાં બૈનુલના મુલતાઇ માલપ્રદેશમાં અષાઢ સુદ સાતમે તાપી માતા પ્રગટ થયા હતા. તાપી નદીના મૂળ પાસે ધાર, નસીરાબાદ, મેળઘાટ, અમલનેર, બુરહાનપુર, જૈનાબાદ, નાચનખેડા અને ભુસાવળ વગેરે ગામો આવેલા છે. તાપી નદીના મૂળ આગળ ડાબી બાજુ પર દીવાળ, ખોખરી, મોટી ઉતાવળી, મોહના તથા જમણી બાજુએ નાની ઉતાવળી, બોરી, પાંઝરા, ગિરણા અને પૂર્ણા નદીઓ મળેલી છે. જ્યારે તાપી નદી સુરત નજીક સચીનના ડુમસ ગામ આગળ અરબીસમુદ્રને મળે છે. તાપી નદીની લંબાઇ ૪૩૬ માઇલની છે.

તાપી નદીના બંને કિનારે ૧૦૮ જેટલા તીર્થો આવેલા છે. તાપી મહાત્મ્યના ૪૧માં અધ્યાય અનુસાર મહર્ષિ નારદજીએ ભગવાન શંકરની આજ્ઞાાથી તાપીનું માહાત્મ્ય કરી લીધું હતું ત્યાર પછી તાપી અસ્તવ્યસ્ત દશામાં જ રહી છે. જંગલ-ડુંગરો ખડક પરથી ૭૦ કિ.મી. ગુજરાતના અન્ય પ્રદેશમાં વહી રાજપીપળાના ડુંગરા પસાર કરી સુરત જિલ્લાના પીપરીયા ગામથી આગળ થઇ સુરત શહેર નજીક મહાપુરૃષ દુર્વાસા મુનિશ્વરની તપોભૂમિ ડુમસના અરબી સમુદ્રમાં તાપીનું સંગમ સ્થાન છે.

તાપી માતાનાં ૨૧ નામો
(૧) સત્યા (૨) સત્યોદ્ભવા (૩) શ્યામા (૪) કપીલા (૫) તાપી (૬) નાસત્યા (૭) સાવિત્રિ (૮) કપિલાંબિકા (૯) તપનહ્દા (૧૦) નાસિકોદ્ભવા (૧૧) સહસ્ત્રાધારા (૧૨) સનકા (૧૩) અમૃતાસ્યનંદિની (૧૪) સૂક્ષ્મતરમાણી (૧૫) સૂક્ષ્મા (૧૬) સર્પા (૧૭) સર્પ વિહાપહા(૧૮) તિગ્મા (૧૯) તિગ્મસ્યા (૨૦) તારા (૨૧) તામ્રા.

તાપી માતાના ૨૧ કલ્પો
(૧) પદ્ય (૨) પોષ્કર (૩) શૌર (૪) સાંભવ (૫) ચાંદ્ર (૬) કાશ્યપેચ (૭) ઉપેન્દ્ર (૮) ઐદ્ર (૯) વારૃણ (૧૦) મહાબળ (૧૧) મહેશાન (૧૨) ઉત્કલ (૧૩) કુનાલક (૧૪) પ્રાકૃત (૧૫) મત્સ્ય (૧૬) ઐલાખ્ય (૧૭) કુર્મ (૧૮) વારાહ (૧૯) આદિવરાહ (૨૦) કૃષ્ણવરાહ (૨૧) શ્વેતવરાહ

☆હિરલબા ની રચના☆

Standard

ઉગીને આથમ્યો સતયુગ નો સૂરજ ઇ કળિયુગ ના ભૂંડા એંઘાળ ..!!

હવે જાગો સંતાનો આ નિંદર ને ત્યાગો તો ઉગે સતયુગ નો રે ભાણ..!
બાળ હવે જાગો ચારણ ના સંતાન .!
હો બાળ હવે જાગો ક્ષત્રિય ના સંતાન ..!!

સાથક, શુરવીર , શકિત ના ઉપાસક ઇ ચારણ ના જાગો સંતાન..!
જાગો દિલ ના દિલાવર દાનેશ્ર્વર ટેકીલા તમે ક્ષત્રિય ના સૂરીલા સંતાન ..!!

બાળ હવે જાગો શકિત ના સંતાન ..!
બાળ હવે જાગો સતીયું ના સંતાન..!!

હોંશે જે કુળ માં જન્મતી જોગમાયા ઇ આયુ ના જાગો સંતાન..!
જાગો સતીયુ ના ખોળે ખેલીને ધાવેલા તમે ક્ષત્રિય ના સૂરીલા સંતાન..!!

બાળ હવે જાગો શકિત ના સંતાન..!
બાળ હવે જાગો સતીયુ ના સંતાન..!!

ત્રાગા,ધરણાં ના ચાચર ના ચડેલા ઇ ધર્મીલા ચારણ ના સંતાન..!
જાગો ગૌ બ્રાહ્મણ, નારી ની રક્ષા ના રસીયા ક્ષત્રિય ના સૂરીલા સંતાન..!!

બાળ હવે જાગો શકિત ના સંતાન..!
બાળ હવે જાગો સતીયુ ના સંતાન..!!

જેણે ધાબડીયે ઢાંકી અટકાવેલો સૂરજ ઇ આવળ ના જાગો સંતાન..!
જાગો સતીયે પારણીયેં પોઢાડયા પરમેશ્વર થી  એ અનસૂયા ના સૂરા રે સંતાન..!!

બાળ હવે જાગો શકિત ના સંતાન..!
બાળ હવે જાગો સતીયુ ના સંતાન..!!

જેને અસુમો ઉથાપી ને હેમાળે હાલેલી નાગલ ના જાગો સંતાન..!
જાગો શીયળ ની સાથે અગ્નિ માં હોમાયેલી રાણપ ના સૂરીલા સંતાન..!!

બાળ હવે જાગો શકિત ના સંતાન..!!
બાળ હવે જાગો સતીયુ ના સંતાન..!!

અધર્મ અનીતિ અન્યાયો  અટકાવ્યાં ઇ કરણી ના જાગો સંતાન..!
જાગો વગડે વીચરેલી અગ્નિ માં પરખાયેલી દેવી સીતા ના સૂરીલા સંતાન..!!

બાળ હવે જાગો શકિત ના સંતાન..!
બાળ હવે જાગો સતીયુ ના સંતાન..!!

અકબર ના દરબારે કડવા કહેનારા દુર્શાજી ના જાગો સંતાન..!
જાગો ભોમકા ની કાજે રણવગડે રખડનારા રાણા ના સૂરા સંતાન..!!

બાળ હવે જાગો શકિત ના સંતાન..!
બાળ હવે જાગો સતીયુ ના સંતાન..!!

સાંયાજી ઝુલા ને ઇશરા પરમેશ્રા ને માવલ ના જાગો સંતાન..!
હે જાગો ડુંગર નો ઉંદર થઇ દુશ્મન ડરાવ્યાં એ શીવાજી ના સૂરીલા સંતાન..!!

બાળ હવે જાગો શકિત ના સંતાન..!
બાળ હવે જાગો સતીયુ ના સંતાન..!!

આવા ડાયરા ની ધેલી પુસ્તક માં મૂંઝાણી ઇ સરસ્વતી ના સૂરા સંતાન..!
જાગો સિંદૂર માં ઢાંકેલી વાતો સંભળાવે ઇ પાળીયા ના સૂરા રે સંતાન..!!

બાળ હવે જાગો શકિત ના સંતાન..!
બાળ હવે જાગો સતીયુ ના સંતાન..!!

તમે પીલ્યો કટોરો  ચારણવટ અમલ થી ભરેલો ચારણ ના સંતાન..!
જાગો ક્ષત્રિવટ ઘાટો અમલ ને ગટગટાવો ને ક્ષત્રિય ના સૂરીલા સંતાન..!!

બાળ હવે જાગો શકિત ના સંતાન..!
બાળ હવે જાગો સતીયુ ના સંતાન..!!

સતબાઇ આપે સતયુગ નો સંદેશો સાંભળજો દેવો ના સંતાન..!
જાગો હિરલ ના હોંકારે ઉઠો પડકારે પૃથુ ના પનોતા સંતાન..!!

બાળ હવે જાગો શકિત ના સંતાન..!!
બાળ હવે જાગો સતીયુ ના સંતાન..!!