​रंग धर राजस्थान 

Standard

आवड़ करनल ईसरी  , सगत वधारण शान  !!
किरपाळी सुख कारणी  , रंग धर राजस्थान  !!1!!

रखवाळण आवड़ रहै  , आप रखण धर आन  !!

हरदम मां तव हाथ हैं  , रंग धर राजस्थान  !!2!!

प्रगळ अन्न धन पूरणीै  , जग मैं आवड़ जान  !!

मढ चावो धिन मावड़ी  , रंग धर राजस्थान  !!3!!

अजमल सुत चावो अधक  , पीरां गत परमान  !!

रहवे भीरै रामदे  , रंग धर राजस्थान  !!4!!

सूरां भगतां साधकां , जननी हे नर जान  !!

दानी अर दरवेश की  , रंग धर राजस्थान  !!5!!

आंटीला भड़ आदमी  , मरट मुंछां रख मान  !!

सुरां धरा सोयांमणी  , रंग धर राजस्थान  !!6!!

सहे कष्ट तन सूरमा  , परवाह करि न प्रान  !!

मरद सैन्य भड़ मोवड़ी , रंग धर राजस्थान  !!7!!

परथी पीथल पातलो  , शूरा थया सुजान  !!

दुरगो बलू देखीया  , रंग धर राजस्थान  !!8!!

राजपूताना रीत रा  , विदंगे किया वखान  !!

भूप सुरां री भौम हैं  , रंग धर राजस्थान  !!9!!

अजब जांण इतिहास री  , जांणी सकल जहान  !!

वीरां मान वधारणी  , रंग धर राजस्थान  !!10!!

अठेह वंका आदमी  , गाढा नर गुणवान  !!

मान राखणो मेहळा  , रंग धर राजस्थान  !!11!!

जोधांणो ओपै जबर  , सूर्य वंश री शान  !!

दान मान घण देवणो  , रंग धर राजस्थान   !!12!!

वीरम कानड़ वीरवर  , चीत उजळ चौहान  !!

शान रखी लड़ सूरमा  , रंग धर राजस्थान  !!13!!

सांचोरो भड़ सूरमो  , अधपत राखी आन  !!

हद तपधारी बलु हुओ  , रंग धर राजस्थान  !!14!!

जैसांणो बूंदी जबर  , अजयमेर धर आन  !!

मान वधारण महपती  , रंग धर राजस्थान  !!15!!

बिकांणो बाढाणो बहु  , साची  मरूधर  शान  !!

अलवर सिरोही असो  , रंग धर राजस्थान  !!16!!

मेवाड़ो जग महपती  , पातल वीर प्रमान  !!

कण कण मांय ख्याति करी , रंग धर राजस्थान  !!17!!

कोटा गढ हाडो करै  , ईळ में रखी आन  !!

दूणो जस राख्यो दुनी  , रंग धर राजस्थान  !!18!!

पन्ना ‘र मीरा पदमणी  , शोभावी कुळ शान  !!

ईळा पर धिन ओपती  , रंग धर राजस्थान  !!19!!

सांगो कूंभो सूरमा  , सिरोहियो सुरतान  !!

जालोरा भड़ जोरवर  , रंग धर राजस्थान  !!20!!

मीठा मीर डभाल 

राजस्थान दिवस की हार्दिक शुभकामनाएें

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s