Tag Archives: india

જાણો : જમ્મુ-કાશ્મીર રાજ્ય પુનર્ગઠન વિધેયક 2019 વિશે અથ: થી ઇતિ

Standard

જાણો : જમ્મુ-કાશ્મીર રાજ્ય પુનર્ગઠન વિધેયક 2019 વિશે અથ: થી ઇતિ

Monday, 05 Aug, 3.02 pm

રાજ્યસભામાં ભારે હંગામા વચ્ચે આવી રીતે રજૂ થયું જમ્મુ-કાશ્મીર રાજ્ય પુનર્ગઠન વિધેયક 2019 :

જમ્મુ-કાશ્મીરમાં મોટા ફેરફાર થવાના સંકેત સપ્તાહ પહેલા થયેલી હરકતોથી મળવાના શરૂ થઇ ગયા હતા. આજે સવારથી જ રાજ્યસભામાં પણ તે અંગે બણબણાટ જોવા મળ્યો હતો. રાજ્યસભામાં ગૃહ મંત્રી અમિત શાહે સોમવારે જમ્મુ-કાશ્મીર રાજ્ય પુનર્ગઠન વિધેયક 2019 રજૂ કર્યું હતું. આ સાથે જ તેમણે જમ્મુ-કાશ્મીરથી આર્ટિકલ 370 હટાવવાનો સંકલ્પ રજૂ કર્યો છે. રજૂ કરતાની સાથે તેને રાષ્ટ્રપતિની મંજુરી મળી ગઇ હતી. તેની સાથે જ અમિત શાહે જમ્મુ-કાશ્મીરના પુનર્ગઠનનો સંકલ્પ પણ રજૂ કર્યો છે. અમિત શાહના એલાન બાદ વિપક્ષે ગૃહમાં ઘણો હોબાળો કર્યો.
જમ્મુ-કાશ્મીર હવે કેન્દ્ર શાસિત્ર પ્રદેશ બની ગયો છે. સાથોસાથ લદાખને જમ્મુ-કાશ્મીરથી અલગ કરી દેવામાં આવ્યું છે. આર્ટિકલ 370 હટતાં જમ્મુ-કાશ્મીર હવે રાજ્ય નહીં રહે. જમ્મુ-કાશ્મીર ધારાસભ્યોવાળું કેન્દ્ર શાસિત પ્રદેશ બનશે. બીજી તરફ, લદાખને ધારાસભ્યો વગરનું કેન્દ્ર શાસિત પ્રદેશ બનાવવામાં આવશે.
અમિત શાહની કાશ્મીર પર ત્રણ મોટી જાહેરાતો બાદ વિપક્ષનો હોબાળો ચાલુ છે. જમ્મુ-કાશ્મીરથી જોડાયેલા સરકારના મહત્વપૂર્ણ નિર્ણય પર વિપક્ષનો આરોપ છે કે સરકારે તેમને આ પ્રકારના કોઈ બિલની પહેલા જાણકારી નહોતી આપી.
– ગુહ પ્રધાન અમિત શાહે આજે રાજ્યસભામાં માહિતી આપતા જણાવ્યું હતું કે આર્ટિકલ 370 હેઠળ ત્રણ પરિવારોએ જમ્મુ-કાશ્મીરને વર્ષો સુધી લૂંટ્યું છે. વિરોધ પક્ષના નેતાએ કહ્યું કે આર્ટિકલ 370 જમ્મુ-કાશ્મીરને ભારત સાથે જોડે છે, તે સાચું નથી. મહારાજા હરિ સિંહે 27 ઓક્ટોબર 1947ના રોજ જેએન્ડકે ઇન્સ્ટટ્રૂમેન્ટ એક્સેસન પર સહી કરી હતી. આર્ટિકલ 370 1954માં આવ્યો હતો. આર્ટિકલ 370ને હટાવવા માટે એક સેકન્ડનો પણ સમય વિલંબ ન કરવો જોઈએ.
– આજે ભારતીય લોકતંત્રનો સૌથી કાળો દિવસ છે. જમ્મુ-કાશ્મીરના નેતૃત્વના 1947માં બે રાષ્ટ્ર થિયરીને નકારીને ભારતમાં સામેલ થવાનો નિર્ણય ઉલટો સાબિત થયો. ભારત સરકારના આર્ટિકલ 370ને હટાવવાનો નિર્ણય બિનબંધારાણીય અને ગેરકાયદેસર છે : પીડીપી નેતા મહેબૂબા મુફ્તી
– રાજ્યસભામાં પીડીપી સાંસદ મિર મોહમ્મદ ફયાજે ભારતીય બંધારણની એક નકલી ફાડી દીધી હતી. ત્યારબાદ સભાપતિએ તેમને ગૃહથી બહાર જવા માટે કહ્યું. તેના વિરોધમાં પીડીપી સાંસદોએ ગૃહની બહાર પ્રદર્શન કર્યુ અને કપડા ફાડી દીધા.
– પીડીપીના સાંસદોએ મોદી સરકારના નિર્ણય સામે ઉગ્ર પ્રદર્શન કર્યુ હતું.
– બહુજન સમાજ પાર્ટીએ આર્ટિકલ 370 પર મોદી સરકારના સંકલ્પનું રાજ્યસભામાં સમર્થન કર્યુ.
– આ પહેલીવાર નથી, કોંગ્રેસે 1952 અને 1962માં આ પ્રકારે જ આર્ટિકલ 370ને સંશોધિત કર્યો હતો. તેથી વિરોધ કરવાને બદલે ચર્ચા કરો અને તમારી જે પણ ગેરસમજ છે તેને દૂર કરે. હું આપના સવાલોના જવાબ આપવા માટે તૈયાર છું : ગૃહ મંત્રી અમિત શાહ
– ભારત સરકાર દ્વારા આર્ટિકલ 370માં ફેરફાર તથા અન્ય નિર્ણય બાદ ભારતીય સેના અને વાયુસેનાને હાઈ એલર્ટ કરવામાં આવ્યા છે.
ભારતીય સેના અને વાયુસેના હાઈ એલર્ટ પર ## ભારત સરકાર દ્વારા આર્ટિકલ 370માં ફેરફાર તથા અન્ય નિર્ણય બાદ ભારતીય સેના અને વાયુસેનાને હાઈ એલર્ટ કરવામાં આવ્યા છે.
– અમારી પાર્ટી આ બિલનું સમર્થન કરે છે. અમે આ દેશની એકતા ઈચ્છીએ છીએ : પ્રસન્ન આચાર્ય, બીજેડી, ઓડિશા
– નેશનલ કોન્ફ્રન્સના ઓમર અબ્દુલ્લાએ જણાવ્યું કે આર્ટિકલ 370ને હટાવીને ભારત સરકારે જમ્મુ અને કાશ્મીરના લોકોનો વિશ્વાસ તોડ્યો છે જે એમણે 1947માં ભારત સાથે જોડાતી વખતે મૂક્યો હતો. આ નિર્ણયના દૂરગામી અને ગંભીર પરિણામો આવી શકે છે. આર્ટિકલ 370 અને 35એ રદ કરવા મૂળભૂત પ્રશ્નો ઊભા કરે છે. આગળ લાંબી અને આકરી લડાઈ રાહ જોઈ રહી છે. અમે તેના માટે તૈયાર છીએ.
– એમડીએમકેના નેતા વાઇકોએ જણાવ્યું કે આ બિલનો હું ભારે વિરોધ કરું છું પરંતુ આ સમસ્યા માટે અસલી જવાબદાર કોંગ્રેસ છે. આજે લોકતંત્રની હત્યા થઈ છે.
– દિલ્હીના મુખ્યમંત્રી અરવિંદ કેજરીવાલે પણ આર્ટિકલ 370 પર મોદી સરકારના નિર્ણયનું સ્વાગત કર્યુ છે. કેજરીવાલે લખ્યું કે અમે આશા વ્યક્ત કરીએ છીએ કે આ નિર્ણયથી રાજ્યમાં વિકાસ થશે અને શાંતિ સ્થપાશે.
– ગુજરાતના મુખ્યમંત્રી વિજય રૂપાણીએ જમ્મુ-કાશ્મીરથી આર્ટિકલ 370 હટાવવાના નિર્ણયને સાહસિક ગણાવતાં વડાપ્રધાન મોદી અને ગૃહ મંત્રી અમિત શાહને અભિનંદન પાઠવતા જણાવ્યું કે “કાશ્મીર ભારતનો મુગટ છે અને આજનો ઐતિહાસિક દિવસ ભારતના સ્વર્ણિક ઈતિહાસનો એક મહત્વપૂર્ણ અધ્યાય બનશે. આ નિર્ણય ચોક્કસપણે શ્યામા પ્રસાદ મુખર્જીને એક સાચી શ્રદ્ધાંજલિ છે.”
– ડીએમકે અધ્યક્ષ એમ. કે. સ્ટાલિને જણાવ્યું કે જમ્મુ-કાશ્મીરના લોકોની સલાહ લીધા વગર આર્ટિકલ 370 હટાવી દેવામાં આવ્યો. લોકતંત્રની હત્યા થઈ છે. AIADMK પણ આ નિર્ણયનું સમર્થન કરી રહી છે જે નિંદનીય છે.
– ડો. સુબ્રમણ્યમ સ્વામીએ એક ટ્વીટમાં જણાવ્યું કે આજનો દિવસ એક મહાન દિવસ તરીકે યાદ રાખવામાં આવશે. આજે મને જે આશ્ચર્યજનક લાગ્યું તે એ હતું કે વિપક્ષને કાયદાની જાણકારી નથી.
– મુંબઇમાં શિવસેનાના કાર્યકરોએ આર્ટિકલ 370 દૂર થવાની ખુશીમાં મીઠાઇ વહેંચી હતી.
– #Article370 હટાવવા બદલ પાયલ રોહતગીએ PMનો આભાર માન્યો
– ભારતીય સ્વયંસેવક સંઘના સરસંઘચાલક મોહન ભાગવત અને સરકાર્યવાહ સુરેશ (ભય્યાજી) જોશીએ મોદી સરકારને અભિનંદન આપ્યા છે.

* જમ્મુ-કાશ્મીરમાં ધારા 370 દૂર કરાતા કેવી અસર પડશે? :

જમ્મુ-કાશ્મીરમાં ધારા 370 અને 35A દૂર કરી દેવાતા અહીંના નાગરિકોને તેની અંતર્ગત મળનારા તમામ વિશેષ અધિકારો ખતમ થઇ જશે.
1. મુખ્યત્વે જમ્મુ-કાશ્મીરના નાગરિકોને મળતી બેવડી નાગરિકતા દૂર થશે.
2. જમ્મુ-કાશ્મીર હવે કેન્દ્ર શાસિત પ્રદેશ તરીકે ઓળખ મેળવશે. તેની પોતાની વિધાનસભા નહીં હોય.
3. જમ્મુ-કાશ્મીરને અલગ ધ્વજ હવેથી નહીં મળે.
4. અત્યાર સુધી જમ્મુ-કાશ્મીરમાં ભારતના રાષ્ટ્ર ધ્વજ અને રાષ્ટ્ર ચિહ્નનું અપમાન કરવાની બાબતને અપરાધ ગણવામાં આવતો ન હતો. 370 દૂર થતાં જ રાષ્ટ્ર ધ્વજ અને રાષ્ટ્ર ચિહ્નનું અપમાન હવેથી અપરાધ ગણાશે.
5. સુપ્રીમ કોર્ટના આદેશ હાલ જમ્મુ-કાશ્મીરમાં લાગુ પડતા નથી, હવેથી જમ્મુ-કાશ્મીરના નાગરિકોએ પણ સુપ્રીમ કોર્ટના આદેશ માનવા પડશે.
6. રક્ષા, વિદેશ, સંચારને સંલગ્ન બાબતોને બાદ કરતા અન્ય બાબતોમાં અત્યાર સુધી જમ્મુ-કાશ્મીર વિધાનસભાની સહમતી વિના કેન્દ્ર સરકાર કોઇ કાયદો લાગુ કરી શકતી નહી. હવેથી કોઇ પણ કાયદો લાગુ કરવા જમ્મુ-કાશ્મીર વિધાનસભાની મંજુરી લેવી પડશે નહીં.
7. વર્તમાન સમયમાં જમ્મુ-કાશ્મીરની વિધાનસભાનો કાર્યકાળ 6 વર્ષનો રહેતો હતો. કલમ 370 દૂર કરાતા હવે અન્ય રાજ્યોની જેમ જમ્મુ-કાશ્મીરની વિધાનસભાનો કાર્યકાળ 5 વર્ષનો જ રહેશે.
8. કલમ 370ને કારણે જમ્મુ-કાશ્મીરમાં હિન્દુ-સીખ લઘુમતીમાં હોવા છતાં તેમને 16 ટકા અનામતનો લાભ મળતો ન હતો. હવેથી આ લાભ મળવાનો શરૂ થઇ જશે.
9. બંધારણની કલમ 326 લાગુ પડશે. મતલબ કે અઢાર વર્ષથી વધુ ઉંમરના નાગરિકો મતદાન કરી શકશે.
* જમ્મુ-કાશ્મીરમાં ધારા 35-A દૂર કરાતા કેવી અસર પડશે? :
કલમ 35A અંતર્ગત જ જમ્મુ-કાશ્મીરમાં સ્થાયી નાગરિકતાના નિયમો અને નાગરિકોના અધિકાર નક્કી થાય છે. સંવિધાનની આ કલમ અંતર્ગત 14 મે, 1954 અથવા તેના પહેલા 10 વર્ષોથી રાજ્યમાં રહેનારા અને ત્યાં સંપત્તિ અર્જિત કરનારા લોકોને જ જમ્મુ-કાશ્મીરના સ્થાયી નાગરિક ગણવામાં આવ્યા છે. આવા સ્થાયી નાગરિકોને વિશેષ અધિકાર આપવામાં આવ્યા છે.
– સ્થાયી નિવાસીઓને જ રાજ્યમાં જમીન ખરીદવા, સરકારી નોકરી મેળવવા, સરકારી યોજનાઓનો લાભ મેળવાના અધિકાર મળેલા છે. અન્ય લોકો અથવા બહારના લોકોને અહીં આ અધિકાર પ્રાપ્ત થતા નથી.
– જમ્મુ-કાશ્મીરની કોઇ મહિલા ભારતના અન્ય કોઇ રાજ્યના વ્યક્તિ સાથે લગ્ન કરે તો તેને જમ્મુ-કાશ્મીરમાં મળતા વિશેષાધિકાર છીનવાઇ જાય છે. જો કે પુરુષોની બાબતમાં આ લાગુ થતું નથી.
– હવે જમ્મુ-કાશ્મીરમાં કલમ 35A દૂર કરાતા આ નિયમો પણ બદલાઇ જશે.
1. હવેથી ભારત દેશનો કોઇ પણ નાગરિક જમ્મુ-કાશ્મીરમાં જમીન ખરીદી શકશે. સરકારી નોકરી કરી શકશે. ઉચ્ચ શિક્ષણ સંસ્થાનોમાં પ્રવેશ મેળવી શકશે. શહેરી જમીન (ટોચમર્યાદા તથા નિયંત્રણ) ધારો, 1976 પણ લાગુ પડશે, કોઈ વ્યક્તિ મહત્તમ કેટલી જમીન ધરાવી શકે તે અંગે નિયંત્રણ લાગુ પડશે.
2. જમ્મુ-કાશ્મીરમાં મહિલાઓ અને પુરુષો વચ્ચેના અધિકારો મુદ્દે જોવા મળતા ભેદભાવ હવે ખતમ થઇ જશે.
3. કોઇ પણ વ્યક્તિ હવે કાશ્મીરમાં જઇને વસી શકશે.
આજે સત્તાવાર રીતે જમ્મુ-કાશ્મીરને કેન્દ્ર શાસિત પ્રદેશ જાહેર કરતા પહેલા લોકોના મનમાં અનેક પ્રશ્નો હતા. કાશ્મીરમાં શું થઈ રહ્યું છે? શું મોદી સરકાર કાશ્મીરને લઈ કોઈ મોટો નિર્ણય લેવાની છે? આવા અનેક સવાલો હાલ દરેકનાં મનમાં વંટોળની જેમ ગૂંચવાઈ રહ્યાં હતા. જમ્મુ અને કશ્મીરમાં હજારોની સંખ્યામાં વધારાનાં સૈનિકોને તહેનાત કરી દેવામાં આવ્યાં છે. સાથે જ કેટલાક રાજકીય નેતાઓને પણ નજરકેદ કરવામાં આવ્યાં છે. ફોન બંધ કરી દેવામાં આવ્યાં છે, આર્ટિકલ 144 લાગું કરવામાં આવ્યો છે. તેવામાં દરેકની નજર જમ્મુ અને કાશ્મીર પર ટકેલી છે. આપને જણાવી દઈએ કે, જમ્મુ અને કાશ્મીરમાં આવી સ્થિતી કારગિલ બાદ પહેલીવાર નિર્માણ પામી છે. કારગિલ વખતે લેન્ડલાઈન બંધ કરવામાં નહોતી આવી પણ આ વખતે તેના પર પણ પ્રતિબંધ લગાવી દેવામાં આવ્યો છે.

જાણો, ગત 24 કલાકમાં ક્યાં ક્યાં મોટા નિર્ણયો લેવાયા :

– શ્રીનગર અને જમ્મુમાં સુરક્ષાને ધ્યાનમાં રાખતા કલમ 144 લાગુ કરવામાં આવી છે. સામાન્ય લોકોને બહાર ન નિકળવા માટે જણાવાયું છે. લોકોને એક સાથે જૂથમાં બહાર નિકળવા પર પણ પ્રતિબંધ લગાવવામાં આવ્યો છે.
– આખી ઘાટીમાં મોબાઈલ ઈન્ટરનેટ પર પ્રતિબંધ લગાવી દેવામાં આવ્યો છે. પહેલા મોબાઈલ સેવા અને હવે લેંડલાઈન પર પણ પ્રતિબંધ લગાવાયો છે. જ્યારે સુરક્ષા અધિકારીઓને સેટેલાઈટ ફોન આપવામાં આવ્યાં છે. જેથી કોઈ પણ પ્રકારની સ્થિતિને સંભાળી શકાય.
– એક માત્ર જમ્મુમાં જ સીઆરપીએફની 40 કંપનીઓને તહેનાત કરવામાં આવી છે. આ પહેલા કાશ્મીરમાં હજારોની સંખ્યામાં સૈનિકોને તહેનાત કરવામાં આવ્યા હતા.
– જમ્મુ-કાશ્મીરમાં તમામ સ્કૂલ-કોલેજોને બંધ કરવામાં આવ્યાં છે. 5 ઓગસ્ટના રોજ યુનિવર્સિટીમાં યોજાનાર પરીક્ષાને પણ આગલા આદેશ સુધી રોકવામાં આવી છે.
– ઘાટીમાંથી પ્રવાસીઓને પોતાના ઘરે પરત ફરવા જણાવાયું છે. પાછલા 24 કલાકોમાં 6000થી વધુ પ્રવાસીઓ કાશ્મીર છોડી બહાર નિકળી ગયા છે. સરકારના આદેશ પર એરલાઈન્સે પણ પોતાના ભાડામાં કોઈ પણ પ્રકારનો વધારો કર્યો નથી.
– મોડી રાત્રે જમ્મુ-કાશ્મીરના પૂર્વ મુખ્યમંત્રી મહબુબા મુફ્તિ, પૂર્વ સીએમ ઉમર અબ્દુલ્લા અને સજ્જાદ લોનને નજરકેદ કરવામાં આવ્યા છે. બંને નેતાઓએ રાત્રે ટ્વીટર દ્વારા આ અંગે જાણકારી આપી હતી. બંને નેતાઓ સતત ટ્વિટરનાં માધ્યમથી એ અપિલ કરી રહ્યાં હતા કે, સરકારે સ્પષ્ટ કરવું જોઈએ કે કાશ્મીરમાં શું થઈ રહ્યું છે.
-રાજકીય ગરમાગરમી વચ્ચે જમ્મુ-કાશ્મીરનાં રાજ્યપાલ સત્યપાલ મલિકે મોડી રાત્રે સુરક્ષા વ્યવસ્થાને લઈ એક બેઠક બોલાવી હતી. તેઓએ ડીજીપી, મુખ્ય સચિવ સહિત અન્ય અધિકારીઓ સાથે મળી રાજ્યની સ્થિતિ તાગ મેળવ્યો હતો.
– જમ્મુ-કાશ્મીરમાં હલચલ વચ્ચે આજે દિલ્હીમાં કેન્દ્રીય કેબિનેટની બેઠક યોજાઈ છે. સામાન્ય રીતે કેબિનેટ બેઠક બુધવારે હોય છે, પરંતું રાજકીય હલચલને જોતા પ્રધાનમંત્રી નિવાસસ્થાને મળનાર આ બેઠકને મહત્વની માનવામાં આવી રહી છે.
– જમ્મુ-કાશ્મીરને લઈ સોશિયલ મીડિયામાં સતત અફવાઓ ફેલાવવામાં આવી રહી છે. પણ સરકારે આવી અફવાઓ પર ધ્યાન ન આપવા જણાવાયું છે.
– રાજકીય બેડામાં હલચલ મચી છે કે, કેન્દ્ર સરકાર અનુચ્છેદ 35એ અથવા આર્ટિકલ 370 પર કોઈ મોટો લે તેવી શક્યતા છે. જો કે હાલ સરકાર તરફથી તેને લઈ કોઈ નિવેદન આવ્યું નથી.

શું છે આર્ટિકલ 35A? :

– આર્ટિકલ 35A દ્વારા જમ્મુ-કાશ્મીરની સરકારને અધિકાર મળ્યો છે કે, તે કોને પોતાના સ્થાયી નિવાસી માને અને કોને નહિ.
– જમ્મુ કાશ્મીર સરકાર એ લોકોને સ્થાયી નિવાસી માને છે જે 14 મે, 1954થી પહેલા કાશ્મીરમાં નિવાસ કરે છે.
– કાશ્મીરનાં રહેતા લોકોને જમીન ખરીદવા, રોજગાર મેળવવા અને સરકારી યોજાનાઓમાં વિશેષ અધિકારો મળ્યા છે.
– દેશનાં અન્ય કોઈ રાજ્યનો નાગરિક જમ્મુ કાશ્મીરમાં જઈ સ્થાયી નિવાસીના રૂપે ત્યાં રહી શકતો નથી. તેમજ તે જમ્મુ કાશ્મીરમાં ન તો જમીન ખરીદી શકે છે. કે ના તો રાજ્ય સરકારને તેને નોકરી આપી શકે છે.
– જો જમ્મુ કાશ્મીરની મહિલા ભારતના અન્ય કોઈ રાજ્યના વ્યક્તિ સાથે લગ્ન કરે તો તેના બાળકોનો પ્રોપર્ટી અધિકારોથી વંચિત રાખવામાં આવે છે. ઉમર અબ્દુલ્લાના નિકાહ ગેર કાશ્મીરી મહિલા સાથે થયા હતા. પરંતું તેનાં બાળકોને તમામ અધિકારો મળ્યા છે. જ્યારે અબ્દુલ્લાની બહેન સારા અબ્દુલ્લાના નિકાહ ગેર કાશ્મીરી વ્યક્તિ સાથે થયા હોવાથી તેના બાળકોને સંપતિના અધિકારથી વંચિત રાખવામાં આવ્યાં હતા.
સંવિધાનના અનુચ્છેદ 370 અંતર્ગત અનુચ્છેદ 35A જોડવામાં આવ્યો હતો
– અનુચ્છેદ 35Aનાં લીધે જમ્મુ કાશ્મીરના નાગરિકો પાસે બેવડી નાગરિકતા છે.
– અનુચ્છેદ 370નાં લીધે જમ્મુ કાશ્મીરમાં અલગ ધ્વજ અને સંવિધાન લાગું છે.
– આર્ટિકલ 370નાં કારણે કાશ્મીરમાં વિધાનસભાનો કાર્યકાળ 5 વર્ષના બદલે 6 વર્ષનો છે. જ્યારે અન્ય રાજ્યોમાં તે 5 વર્ષ છે.
– આર્ટિકલ 370નાં લીધે ભારતીય સંસદ પાસે જમ્મુ-કાશ્મીરને લઈ કાયજો બનાવવાનાં ખૂબ જ સિમિત અધિકારો છે.
– સંસદમાં પસાર થયેલા કાયદા જમ્મુ કાશ્મીરમાં તરત લાગુ નથી થઈ શકતા. શિક્ષણનો અધિકાર, સુચનાનો અધિકાર, મની લોન્ડ્રીંગ વિરોધી કાયદો, કાળુનાંણું વિરોધી કાયદો અને ભ્રષ્ટાચાર વિરોધી કાયદો કાશ્મીરમાં લાગું નથી. તેથી અહીં ન તો અનામત મળે છે કે ન તો ન્યુનતમ વેતનનો કાયદો લાગુ પડે છે.
Dailyhunt

#Article35A & #Article370 શુ છે અને શા માટે એના પર આટલો વિવાદ થઈ રહ્યો છે આવો જાણીએ…

Standard

#Article35A & #Article370 શુ છે અને શા માટે એના પર આટલો વિવાદ થઈ રહ્યો છે આવો જાણીએ…

આઝાદી પછી વર્ષ 1954 મા લોકસભાની અંદર કોઈપણ ખરડો પાસ કર્યા વગર સરકાર દ્રારા પ્રત્યક્ષ રાષ્ટ્રપતિની મંજૂરીથી જમ્મુ કશ્મીર ને વિશેષ રાજ્ય નો દરજ્જો પ્રદાન કરતી #કલમ35A જોડવામા આવી.

#કલમ35A એટલે જમ્મુ કશ્મીર મા વર્ષ 1954 કે એના 10 વર્ષ પહેલા થી ત્યા સ્થાયી લોકો સિવાય કોઈપણ અન્ય રાજ્ય નો વ્યકિત ત્યા જમીન ખરીદી શકતો નથી, ત્યાંની કોઈપણ સરકારી નોકરી મા લાભ મેળવી શકતો નથી, અને જમ્મુ કશ્મીર વિધાનસભા / લોકસભા ચૂંટણીઓ મતદાન પણ આપી શકતા નથી.

આવી જ જોગવાઈઓ #કલમ370 મા છે જેમા જમ્મુ કશ્મીર ભારતનો જ એક ભાગ હોવા છતા ભારતનુ સંવિધાન એને લાગુ પડતુ નથી અને પોતાનો અલગ જ ઝંડો છે, અને પોતાના રાજ્ય નુ એક અલગ જ સંવિધાન.
#કલમ370 પર ક્યારેક નિરાંતે આર્ટિકલ લખીશ..

(ભારત નુ જ રાજ્ય હોવા છતા અન્ય રાજ્ય ના લોકો ત્યા સ્થાયી થઈ શકતા નથી કે ન તો ત્યા જમીન ખરીદી શકે છે કે ન તો વ્યવસાય કે રોજગાર કરી શકે છે, તેમજ ભારત નુ સંવિધાન કે એના કાયદાઓ લાગુ પડતા નથી )

#કલમ35A 1952 મા જમ્મુ કશ્મીર ને વિશેષ દરજ્જો મળી રહે એ હેતુ થી સંવિધાન મા જોડવામા આવેલ #કલમ370 નો જ એક ભાગ છે.. જેને સંવિધાન મા લોકસભા મા ખરડો પાસ કર્યા વગર જ પ્રત્યક્ષ એ સમય ના રાષ્ટ્રપતિ ડો. રાજેન્દ્ર પ્રસાદના હસ્તાક્ષર થી જ લાગુ કરવામા આવી હતી.

( જમ્મુ કશ્મીર ના અલગાવવાદી નેતાઓ #કલમ35A હટશે તો ત્યાના નાગરિકો ના હક્ક છીનવાશે એવો દુષ્પ્રચાર કરી રહ્યા છે, હકીકત મા #કલમ35A હટશે તો અન્ય રાજ્ય ના લોકો ત્યા રોકાણો કરી શકશે જેનાથી જમ્મુ કશ્મીર મા ઉધોગ, ટુરિઝમ, વ્યવસાય અને રોજગારી ના અવસરો પેદા થશે જેનો લાભ જમ્મુ કશ્મીર ના સ્થાયી લોકોને જ મળશે)

#કલમ35A ભારતીય નાગરિકો વચ્ચે ભેદભાવ પેદા કરે છે એવી અરજી થોડા સમય પહેલા સુપ્રિમ કોર્ટ મા થયેલ છે જે યાચીકા પર કોર્ટ નુ જજમેન્ટ બાકી છે, એક જ દેશના નાગરિક હોવા છતા અન્ય રાજ્યના લોકો જમ્મુ કશ્મીર મા સ્થાયી ન થઈ શકે એ એક પ્રકારનો ભેદભાવ જ કહી શકાય.

હવે વિચારો જે રાજ્ય આપણા દેશ નો જ એક ભાગ હોવા છતા આપણુ #સંવિધાન ન ચાલતુ હોય કે ત્યાના #અલગાવવાદી નેતાઓ અલગ થવાની માંગણીઓ કરતા હોય શુ એ ચલાવી લેવાય ?

જમ્મુ કશ્મીર અને ત્યાના લોકોની સુરક્ષા માટે દર વર્ષે દેશના બજેટ ના કરોડો રૂપિયા ખર્ચાતા હોય અને દેશના સેંકડો જવાનો દર વર્ષે #શહીદ થતા હોય શુ એવા #અલગાવવાદી નેતાઓ ની મનમાની ચલાવી લેવાય ?

#ભારત દેશના જ પૈસે ખાઈપીને તાગડધીના કરતા અને #પાકિસ્તાન પાસે જઈને આઝાદી ઝખતા #અલગાવવાદી નેતાઓને #છૂટછાટ અપાય ??

આઝાદી ના 70 વર્ષો મા જે ક્યારેય ન થયુ હોય એ કદાચ હવે થઇ શકે છે… જો આવુ કઈ થશે તો #આતંકવાદ #પથ્થરબાજી #અલગાવવાદ #આઝાદી ના નામે દેશમા જ ભાગલા પાડો જેવી નીતિઓ સમાપ્ત થશે..

રાજકારણ ને બાજુમા મૂકીને દેશની #અખંડિતતા માટે #370 કલમ હટાવાના #મોદીસરકાર આજના નિર્ણય ને સમર્થન આપીને આવો આપણે કરોડો #દેશવાસીઓ #પ્રધાનમંત્રી, #ભારતીયસેના નુ મનોબળ વધારીએ..

By Rajput yuva

ભારતમાતાકીજય🙏🏻🙏🏻🙏🏻🙏🏻

उस ऐतिहासिक लम्हे को यादगार बनाने के लिए 11 मई को राष्ट्रीय तकनीकी दिवस के तौर पर मनाया जाता है.

Standard

साल 1998 में प्रधानमंत्री अटल बिहारी वाजपेयी की सरकार ने आज ही के दिन राजस्थान के पोकरण में परमाणु परीक्षण कर दुनिया को चौंका दिया था। भारत ने पहला परमाणु परीक्षण पोखरण 1 1974 में स्वर्गाय इंदिरा गांधी के शासनकाल मे किया था, जिसका नाम था ‘स्माइलिंग बुद्धा’।

परमाणु शक्ति संपन्न देश बनने कि दिशा में यह पहला प्रयास था। हालांकि, भारत को अधिक सफला मिली पोखरण-2 परीक्षण के बाद, जिसने भारत को परमाणु शक्ति संपन्न देशों की सूची में ला खड़ा किया। देश का पहला परमाणु परीक्षण, तत्कालीन प्रधानमंत्री इंदिरा गांधी के नेतृत्व में ऑपरेशन स्माइलिंग बुद्ध 18 मई 1974 को हुआ. जिसके साथ, भारत न्यूक्लियर क्लब में शामिल होने वाला छठा देश बन गया. इन परीक्षणों की सबसे खास और दिलचस्प बात थी- जिस तरह CIA के जासूस उपग्रहों को छकाया गया. ये सैटेलाइट, भारत के किसी भी टेस्ट को पकड़ नहीं पाए.

DRDO अधिकारियों ने पता लगाया कि CIA के सैटेलाइट कब-कब भारत पर नजर रखते हैं. इसी के हिसाब से ज्यादातर रात को काम किया गया ताकि पकड़े जाने की संभावना कम से कम हो. वैज्ञानिक, आर्मी की वर्दी में काम करते थे. थोड़े भी मोटे वैज्ञानिकों को मिशन से हटा दिया गया ताकि वो सेना के फिट जवानों के बीच पहचाने न जा सकें. हर वैज्ञानिक को एक कोड नेम दिया गया. डॉ. एपीजे अब्दुल कलाम का नाम था-मेजर जनरल पृथ्वीराज.

ज्ञातब्य है कि पाकिस्तान बलूचिस्तान की चगाई पहाड़ियों के पास परमाणु परीक्षण करता है उसके मुकाबले भारत के पास पोखरण में छिपकर सीक्रेट मिशन को पूरा करने के लिए साधन बहुत कम हैं, थोड़ी बहुत कटीली झाड़ियां जो पोखरण में उगी भी हुई हैं उनकी भी लंबाई बस कंधे तक है ऐसी दशाओं में भारत के लिए बिना किसी की नजर में आये परमाणु परीक्षण करना किसी बड़ी चुनौती से कम नही था

भारतीय सेना की 58 इंजीनियर रेजीमेंट को इस काम के लिए चुना गया था इस रेजीमेंट के कमांडेंट थे कर्नल गोपाल कौशिक इनके संरक्षण में ही भारत के परमाणु हथियारों का परीक्षण किया जाना था उन्हें इस मिशन को सीक्रेट रखने का काम भी सौंपा गया था ये इंजीनियर 18 महीने तक इस मिशन पर गुप्त तरीके से काम करते रहे भूतपूर्व राष्ट्रपति श्री एपीजे अब्दुल कलाम और उस समय परमाणु ऊर्जा आयोग के अध्यक्ष आर. चिदंबरम इस मिशन में शामिल दो बड़े वैज्ञानिक नाम थे l इस मिशन में कुल 80 वैज्ञानिक; रक्षा अनुसन्धान और विकास संगठन (DRDO) तथा परमाणु ऊर्जा आयोग से सम्बंधित थे .

पहले के तीन परीक्षण 11 मई को 3 बजकर 45 मिनट पर किए गए। जबकि, 12 मई को बाकी दो परीक्षण हुए। यह परीक्षण विदेश सचिव के. रघुनाथ की तरफ से अपने अमेरिकी समकक्षीय को यह भरोसा देने के बावजूद किया गया कि भारत की परमाणु परीक्षण करने का ऐसा कोई इरादा नहीं है। मानसिंह ने याद करते हुए कहा- “यह परीक्षण पूरी तरह से गुप्त था। सिर्फ पांच लोग ही इस बारे में जानते थे। जाहिर तौर पर मैं या फिर विदेश सचिव उन पांचों में शामिल नहीं थे।”

उस ऐतिहासिक लम्हे को यादगार बनाने के लिए 11 मई को राष्ट्रीय तकनीकी दिवस के तौर पर मनाया जाता है.

અટલ બિહારી વાજપેયી

Standard

અટલબિહારી વાજપેયી – અટલ બિહારી વાજપેયી કોઈ એક પક્ષના નહીં સમગ્ર દેશના નેતા હતા

ભારત એટલે રત્નોની ખાણ. એ રત્નો નહીં કે જે માત્ર ભૌતિક પદાર્થ હોય. ભારત એટલે માનવીય ગુણોનાં રત્નોની ખાણ અને એટલે જ તો આપણાં દેશની સરકાર આવા માનવીય રત્નોને શોધીને દેશનું સર્વોચ્ચ સન્માન ભારત રત્ન આપે છે. આવા જ એક આપણા ભારતરત્ન.

અટલ બિહારી વાજપેયી. રાજકીય દૃષ્ટિએ સામાન્ય પ્રચલિત માહિતી જોઇએ, તો વાજપેયી એટલે એ નેતા કે જેમના વિશે દેશનાં પ્રથમ વડાપ્રધાન જવાહરલાલ નહેરૂએ ભવિષ્ય ભાખી દીધુ હતું કે આ યુવાન એક દિવસ દેશનો વડાપ્રધાન બનશે (અટલજી ૧૯૫૭માં પ્રથમ વખત સાંસદ બન્યા હતા ત્યારે નહેરુ દેશના વડાપ્રધાન હતા. એવુ મનાઈ છે કે અટલજીની ભાષણ શૈલીથી નહેરુ એટલા પ્રભાવિત હતા કે તેમણે ભવિષ્યવાણી કરી હતી કે આ યુવક એક દિવસ ભારતનો વડાપ્રધાન બનશે.)

અટલ બિહારી વાજપેયીનો જન્મ કૃષ્ણાદેવી અને કૃષ્ણ બિહારી વાજપેયીને ત્યાં સાધારણ બ્રાહ્મણ કુટુંબમાં ગ્વાલિયરમાં થયો હતો. તેમના પિતા કૃષ્ણ બિહારી એક કવિ અને શિક્ષક હતા. અટલ બિહારી વાજપેયીએ પ્રાથમિક શિક્ષણ બારા, ગ્વાલિયરની સરસ્વતી શિશુ મંદિર નામની શાળામાં લીધું હતું. તેમણે ગ્વાલિયરની વિક્ટોરીયા કોલેજ (હવે, લક્ષ્મીબાઇ કોલેજ)માંથી હિન્દી, અંગ્રેજી અને સંસ્કૃત ભાષામાં સ્નાતકની પદવી પ્રાપ્ત કરી હતી. તેમણે કાનપુરની દેવ કોલેજમાંથી રાજકીય સિદ્ધાંત વિષય સાથે અનુસ્નાતકની પદવી પણ પ્રાપ્ત કરી છે.

પરંતુ વાત જ્યારે રાજકારણથી ઉપર ઉઠી રાષ્ટ્રકારણ, લાગણીઓ, માનવતા અને હૃદયની આવે, ત્યારે ભારતનાં રત્નનો એક નવું જ રૂપ ઉપસી આવે છે અને એ રૂપ છે કવિ હ્રદય… ૨૫મી ડિસેમ્બર, ૧૯૨૪નાં રોજ ગ્વાલિયર-મધ્ય પ્રદેશમાં કૃષ્ણ બિહારી વાજપેયીને ત્યાં જન્મેલા અટલ બિહારી વાજપેયી કવિ હૃદય ધરાવતાં વ્યક્તિત્વ હતાં અને આ કવિ હૃદય તેમને વારસામાં તેમના પિતા પાસેથી મળ્યું હતું, કારણ કે કૃષ્ણ બિહારી વાજપેયી પણ અધ્યાપક અને કવિ હતાં.

હકીકતમાં ભાષણ શૈલીમાં કટાક્ષ અને કઠોર હૃદયી લાગતાં અટલ બિહારી વાજપેયીનાં કાવ્યો તેમના શૌર્ય, સાહસ, સહિષ્ણુતા, રાષ્ટ્રપ્રેમ, વ્યથા પ્રસાર, વ્યંગ પ્રસારનું માધ્યમ હતાં. તેમણે અનેક કવિતાઓની રચના કરી, પરંતુ કવિતાઓની રચના કરતાં પણ મોટી વિશેષતા એ હતી કે અટલજી પોતાનાં કવિ હૃદયને યોગ્ય સમયે જ પ્રગટ કરતાં અને એવી રીતે પ્રગટ કરતાં કે વિરોધીઓ માત્ર મૌન જ નહોતા થઈ જતાં, બલ્કે અટલજી પ્રત્યે તેમના મનમાં આદર વધી જતો હતો.

આવાં જ કેટલાંક પ્રસંગોને આજે વાગોળી શકાય કે જ્યારે અટલજીએ ગરમ લોઢા પર પોતાનાં શાંત પાણી સમાન કાવ્યો દ્વારા એવા હથોડા માર્યાં કે સમર્થકો જ નહીં, પણ વિરોધીઓએ પણ નતમસ્તક થઈ જવાં મજબૂર કરી દીધાં. વાત જો ૧૯૬૬નાં ભારત-પાકિસ્તાન વચ્ચે કાશ્મીર મુદ્દે થયેલી તાશ્કંદ સમજૂતીની જ કરીએ, તો સૌ જાણે છે કે આ સમજૂતીનો પાકિસ્તાને ગેરલાભ જ ઉઠાવ્યો હતો અને વિરોધ પક્ષ જનસંઘનાં નેતા તરીકે વાજપેયી આ સમજૂતીની વિરુદ્ધ હતાં. એટલુ જ નહીં, તાશ્કંદમાં કાશ્મીર અંગે થયેલા કરાર બાદ આપણાં તે વખતનાં વડાપ્રધાન લાલ બહાદુર શાસ્ત્રીનું તાશ્કંદમાં જ રહસ્યમય મોત થઈ ગયુ હતું. તે વખતે અટલજીના કવિ હૃદયે કંઇક આવો પોકાર કર્યો હતો.

હમ સંધિ મેં હારે હૈં…

હમ લડાઈ કે મૈદાન મેં કભી નહીં હારે

હમ દિલ્હી કે દરબારે મેં હારે હૈં

હમ યુદ્ધ મેં કભી નહીં હારે

હમ શાંતિ મેં હારે હૈં

હમ સંઘર્ષ મેં કભી નહીં હારે

હમ સંધિ મેં હારે હૈં

તેમણે સંયુક્ત રાષ્ટ્ર સંઘમાં હિન્દીમાં ભાષણ આપીને એક નવી પ્રથાનો પ્રારંભ કર્યો હતો. સંયુક્ત રાષ્ટ્ર સંઘના મંચ પર અંગ્રેજી સિવાય અન્ય ભાષામાં ભાષણ આપનાર અટલજી પ્રથમ નેતા હતા.

જેથી ૧૯૯૬માં તેમની સરકાર માત્ર એક મત માટે હારી ગઈ. તેમણે પ્રધાનમંત્રી પદ છોડવું પડ્યું. આ સરકાર માત્ર ૧૩ દિવસ જ રહી. બાદમાં તેમણે વિરોધ પક્ષની ભૂમિકા ભજવી હતી. ત્યાર બાદ થયેલી ચૂંટણીમાં તેઓ ફરીથી પ્રધાનમંત્રી બન્યાં. (કેટલાક લોકોના મને ફક્ત બાર દિવસ)

અટલ બિહારી વાજપેયી કાશ્મીર મુદ્દે હંમેશા લાગણીશીલ રાજપુરુષ અને રાષ્ટ્રપુરુષ રહ્યા છે. સંઘથી લઈ જનસંઘ સુધીની કાશ્મીર નીતિ નેહરૂની કાશ્મીર નીતિની ટીકાકાર હતી અને એટલે જ કાશ્મીરનાં મુદ્દે વાજપેયી સતત પોતાની વ્યથા કાવ્યો દ્વારા ઠાલવતા રહેતા હતાં. એવા જ એક શૌર્ય કાવ્યમાં તેમણે પાકિસ્તાન સામે આ રીતે પડકાર ફેંક્યો હતો…

કશ્મીર પર ભારત કા ધ્વજ નહીં ઝુકેગા…

અમેરિકા ક્યા સંસાર ભલે હી હો વિરુદ્ધ

કશ્મીર પર ભારત કા ધ્વજ નહીં ઝુકેગા

એક નહીં, દો નહીં, કરો બીસોં સમઝૌતે

પર સ્વતંત્ર ભારત કા મસ્તક નહીં ઝુકેગા

આપણે સૌ જાણીએ છીએ કે જનસંઘમાંથી વર્તમાન ભારતીય જનતા પક્ષ (ભાજપ)નો ઉદય થયો. ૬ઠી એપ્રિલ, ૧૯૮૦નાં રોજ અસ્તિત્વમાં આવેલ ભાજપને પોતાની સ્થાપનાનાં ૩૪ વર્ષ બાદ પૂર્ણ બહુમતી સાથે મે-૨૦૧૪માં દેશની શાસનધુરા મળી, પરંતુ આ સિંહાસનનાં બી વાવ્યા હતાં વાજપેયીએ જ. ભાજપે લોકસભાની ચૂંટણીમાં પહેલી વખત ઝંપલાવ્યું ૧૯૮૪-૮૫માં અને તે વખતે દેશની ૫૪૨ બેઠકોમાંથી આ પક્ષને માત્ર ૨ જ બેઠકો મળી હતી. પરાજિત થનાર ભાજપનાં દિગ્ગજ નેતાઓમાં વાજપેયી પણ હતાં, પરંતુ તેઓ ક્યારેય નિરાશ ન થયાં… તેઓ હાર માનનાર વ્યક્તિ નહોતાં અને એટલે જ તેમના અટલ હૃદયે કંઇક આ કાવ્યની રચના કરી…

હાર નહીં માનૂઁગા…

હાર નહીં માનૂઁગા

હાર નહીં માનૂઁગા

રાર નહીં ઠાનૂઁગા

કાલ કે કપાલ પર લિખતા-મિટાતા હૂઁ

ગીત નયા ગાતા હૂઁ

બસ, આવા જ અટલ ઇરાદાઓ સાથે વાજપેયી દિલ્હીની સત્તા તરફનાં પોતાનાં અને પક્ષનાં સંઘર્ષને સકાવ્ય નેતૃત્વ આપતાં રહ્યાં. પહેલી વખતની ચૂંટણીમાં બે બેઠકો જીતવા છતાં તેમનાં ઉપરોક્ત કાવ્યે કંઇક એવો જ ઇરાદો જાહેર કર્યો કે એક દિવસ ચોક્કસ અમે દિલ્હીની સત્તા પર હોઇશું. તેમણે દિલ્હીમાં કમળ ખિલવા અંગેની એક કવિતા ૧૯૯૧માં અમદાવાદમાં કાંકરિયા ખાતેના ફુટબૉલ ગ્રાઉન્ડ પર યોજાયેલ એક ચૂંટણી સભામાં કહી હતી….

કમલ ખિલ જાયેગા…

યહ રાત્રિ જાગરણ રંગ લાયેગા

રાત કટ જાયેગી, અંધેરા છઁટ જાયેગા

સૂરજ નિકલ આયેગા

કમલ ખિલ જાયેગા

રામ મંદિર આંદોલન અને તે પછી બાબરી મસ્જિદનાં માળખાનો ધ્વંસ થવાનાં પગલે ભાજપ સામે કોમવાદી પક્ષ હોવાના આક્ષેપો થવા લાગ્યાં. તે સમયે પણ વાજપેયી વિશે વિરોધીઓ એવું કહેતાં કે એક સારી વ્યક્તિ ખોટા પક્ષમાં છે, કારણ કે વાજપેયી ક્યારેય કોમવાદી માનસ નહોતા ધરાવતાં. હા તેઓ પ્રખર હિન્દુત્વવાદી હતાં, પણ આ વાત સાબિત કરે છે તેમની આ કવિતા.

કિતની મસ્જિદ તોડ઼ીં…

ગોપાલ-રામ કે નામોં પર કબ મૈંને અત્યાચાર કિયે?

કબ દુનિયા કો હિન્દૂ કરને ઘર-ઘર મેં નરસંહાર કિયે?

કોઈ બતલાએ કાબુલ મેં જાકર કિતની મસ્જિદ તોડ઼ીં?

ભૂ-ભાગ નહીં, શત-શત માનવ કે હૃદય જીતને કા નિશ્ચય

હિન્દૂ તન-મન, હિન્દુ જીવન, રગ-રગ હિન્દૂ મેરા પરિચય

વાજપેયીનાં કાવ્યોમાં વિરોધીઓ સામે કટાક્ષ જ નહીં, પણ અધ્યાત્મ, ધર્મ અને માનવતાની પણ છોળો ઉછળતી હતી. જેવું કે તેમણે આ કવિતામાં કહ્યું છે.

આદમી કી પહચાન…

આદમી કી પહચાન

ઉસકે ધન યા આસન સે નહીં હોતી

ઉસકે મન સે હોતી હૈ

મન કી ફકીરી પર

કુબેર કી સંપદા ભી હોતી હૈ

અને એવી જ એક કવિતા તેમણે હતાશામાં ઘેરાયેલા લોકો માટે લખી હતી.

ટૂટે મન સે કોઈ ખડ઼ા નહીં હોતા…

છોટે મનસે કોઈ બડ઼ા નહીં હોતા

ટૂટે મન સે કોઈ ખડ઼ા નહીં હોતા

મન હાર કર, મૈદાન નહીં જીતે જાતે

ન મૈદાન જીતને સે મન હી જીતે જાતે હૈ

વાત જ્યારે દેશભક્તિની આવે, તો અટલજી કાશ્મીરથી લઈ કન્યાકુમારી સુધી અને કચ્છથી લઈ કોહિમા સુધી સમગ્ર ભારતને પોતાના કાવ્યમાં વણી લેતાં. પોતાની આ કાવ્ય રચના વાજપેયીએ ૧૯૬૧માં અમદાવાદમાં રાયપુર ખાતેની ઔદિચ્યવાડીની સભામાં સંભળાવી હતી.

નર્મદા જિસકી કરધની હૈ…

ભારત કી ભૂમિ કોઈ જમીન કા ટુકડા નહીં હૈ

યહ તો જીતા જાગતા રાષ્ટ્ર-પુરુષ હૈ

હિમાલય મસ્તક હૈ, કશ્મીર કિરીટ હૈ

પંજાબ ઔર બંગાલ જિનકી ભુજાએં હૈં

વિંધ્યા કટિ-મેખલા હૈ, નર્મદા કરધની હૈ

પૂર્વી-ઘાટ ઔર પશ્ચિમી ઘાટ જિનકી જંઘાએં હૈં

કન્યાકુમારી ચરણ હૈ, સાગર નિશદિન ચરણ ધુલાતા હૈ

આષાઢ-સાવન કે કાલે-કાલે બાદલ,

જિનકી કુંતલ કેશ-રાશિ હૈ

યહ વંદન કી ભૂમિ, અભિનંદન કી ભૂમિ,

યહ અર્પણ કી ભૂમિ, યહ તર્પણ કી ભૂમિ

યહ ઋષિ-મહર્ષિ-ત્યાગી-તપસ્વી-તીર્થંકરો કી પાવન ભૂમિ હૈ

યહી તો રાષ્ટ્ર-પુરુષ ગીતા મેં વર્ણિત

વિરાટ પુરુષ કા જીતા-જાગતા અવતાર હૈ

યહી હમારી સપનોં કી દુનિયા હૈ

જિએંગે તો ઉસી કી ખાતિર

ઔર અગર મરેંગે તો ભી ઉસી કી ખાતિર

યહી રાષ્ટ્ર-ભક્તિ કા મૂલ-મંત્ર હૈ

જિસે લેકર હમ આગે ચલતે રહેંગે

ખેર, અટલ બિહારી વાજપેયી વિશે અને ખાસ તો તેમનાં કાવ્યો વિશે લખવાં બેસીએ, તો આખો દિવસ પણ ઓછો પડે એટલે જ પોતાનાં જન્મ દિવસે વાજપેયીએ ઉચ્ચારેલી કેટલીક પંક્તિઓ સાથે આપણી વાતને આગળ વધારીએ.

સ્વયં સે જ્યાદા લડ઼તા હૂઁ…

હર પચીસ દિસમ્બર કો

જીને કી એક નઈ સીઢ઼ી ચઢ઼તા હૂઁ

નયે મોડ઼ પર

ઔરોં સે કમ, સ્વયં સે જ્યાદા લડ઼તા હૂઁ

રાજકિય સેવા કરવાનો નિર્ણય લેવાના કારણે તેઓ આજીવન અવિવાહિત રહ્યાં. તેમણે રાષ્ટ્રીય સ્વયં સેવક સંઘ માટે અવિવાહિત રહેવાનો નિર્ણય લીધો હતો.

‘મૌત સે ઠન ગઇ’…

ઠન ગઇ.

મોત સે ઠન ગઇ.

ઝુજને કા મેરા ઇરાદા ન થા,

મોડ પર મિલેંગે ઇસકા વાદા ન થા,

રાસ્તા રોક કર વહ ખડી હો ગઇ,

યૂં લગા જિંદગી સે બડી હો ગઇ.

મૌત કી ઉમર કયા હૈ? દો પલ ભી નહીં,

જિંદગી સિલસિલા, આજ કલ કી નહીં.

મૈં જી ભાર જિયા, મેં મન સે મરું,

લૌટકર આઉંગ, કુચ સે કયોં ડરું?

ચુ દબે પાવ, ચોરી-છિપે સે ન આ,

સામને વાર કર ફિર મુજે આજમા.

મૌત સે બેખબર, જિંદગી કા સફર,

શામ હર સુરમઇ, રાત બંસી કા સ્વર.

બાત એસી નહીં કિ કોઇ ગમ હી નહીં,

દર્દ અપને-પરાએ કુછ કામ ભી નહીં.

પ્યાર ઇતના પરાયોં સે મુઝકો મિલા,

ન અપનોં સે બાકી હૈં કોઇ ગિલા.

હર ચુનૌતી સે દો હાથ મૈંને કિએ,

આંધીઓ મેં જલાએ હૈં બુઝતે દિએ.

આજ ઝકઝોરતા તેજ તુફાન હૈ,

નાવ ભંવરો કી બાંહો મેં મહેમાન હૈ.

પાર પાને કા કાયમ મગર હૌસલા,

દેખ તેવર તુફાં કા, તેવરી તન ગઇ.

મૌત સે ઠન ગઇ.

આવો ફરી દિવા પ્રગટાવીએ

ભરી બપોરે અંધારુ,

સૂરજ પડછાયાથી હાર્યુ,

અંતરતમનો પ્રેમ નીચોડી

બુઝાયેલી વાટ સળગાવી

આવો ફરી દીવા પ્રગટાવીએ

અમે પડાવને સમજ્યા મંઝીલ

લક્ષ્ય થયુ આઁખોથી દૂર

વર્તમાનના મોહજાળમાં

આવનારી કાલ ન ભૂલાય

આવો ફરી દીવા પ્રગટાવીએ

આહુતિ બાકી, યશ અધૂરો,

સગાંઓના વિધ્નોએ ઘેર્યો

છેલ્લે જયનું હથિયાર બનાવા

નવ દધીચિંના હાંડકાં ગાળ્યા

આવો ફરી દીવા પ્રગટાવીએ

– અટલ બિહારી વાજપેયી (અનુ. કલ્યાણી દેશમુખ)

ખિતાબ

૧૯૯૨, પદ્મવિભૂષણ

૧૯૯૩, કાનપુર મહાવિધાલયમાંથી D. Lit.ની પદવી

૧૯૯૪, લોકમાન્ય તિલક ખિતાબ

૧૯૯૪, શ્રેષ્ઠ સંસદસભ્ય

૧૯૯૪, ભારતરત્ન પંડિત ગોવિંદ વલ્લભ પંત ખિતાબ

૨૦૦૪, ભારત રત્ન

માહિતી સૌજન્ય :- ઇન્ટરનેટ

હ્યુ. એન. સંગ અને નાલંદા વિશ્વવિદ્યાલય

Standard

જાણી અજાણી વાતો –

જાણી અજાણી વાતો…ઇતિહાસ , સાહિત્ય અને વર્તમાન ને અનુલક્ષી ને.

◆ નાલંદાની સાચી માહિતીઓ મેળવવા આપણે હ્યુંએનસંગના લખાણો ઉપર આધાર રાખવો પડે છે.

◆ ચીનનો એક બૌદ્ધ ભિક્ષુક ચીનના હેનાન પ્રાંતમાં ઈ.વ. ૬૦૨ માં જન્મ્યો. તેના પહેલાના ચીની યાત્રાળુ ફાહિયાનની માહિતીઓની ખરાઈ કરવા ભારતનો પ્રવાસ કરવાનું મન બનાવી લીધું.

◆ ભારતનો પ્રવાસ કરવા  ચીનથી મધ્ય એશિયા થઈને ઉત્તરના ખેબર ઘાટથી પસાર થવું પડતું. ઉત્તરમાં કાશ્મીર, પશ્ચીમમા સૌરાષ્ટ્ર, અને વલભીપુર, પૂર્વમાં કામરૂપ, દક્ષિણમાં મલકોટા વગેરે સ્થળોએ બુદ્ધના મઠો હતા. હ્યુંએનસંગને સમ્રાટ હર્ષવર્ધન અને ભાસ્કરવર્ધન સાથેના સબંધોએ બહુ ખ્યાતી અપાવી.

◆ હ્યુંએનસંગ કન્ફ્યુંશીયસ સંપ્રદાયનો હતો. નાનપણથી  બૌદ્ધ સાધુ પ્રત્યે આકર્ષણ હતું. ઈ.સ.૬૨૨ માં સુઈ વંશના રાજાના પતન પછી તેના ભાઈ સાથે પલાયન થઈ ટાંગ વંશની રાજધાની ચાંગાનમાં વસ્યા, ત્યાંથી ચાંગડું ગયા. ઈ.સ. ૬૨૨ માં પૂર્ણપણે બૌદ્ધ સાધુ બની ગયો.

◆ સંસ્કૃતનો અભ્યાસ કરવા ભારત જવાનું મન બનાવી લીધું.ચાંગડુંમાં બૌદ્ધ ધર્મની યોગકાર શાખાનો અભ્યાસ કર્યો.

◆ ઈ.સ. ૬૨૯ માં ટાંગ સમ્રાટ ટાઇઝિંગ અને ગોકતુર્ક વચ્ચે યુદ્ધ ફાટી નીકળ્યું. ભારત જવાની પરમીશન માંગી પણ ન મળી. હ્યુંએનસંગ પલાયન થઈ ગોબીનું રણ ઓળંગી ઈ.સ.૬૩૦મા ટુપાર્ણના રાજાને મળ્યો.

◆ રાજાએ પ્રવાસ માટે મદદ કરી. પશ્ચિમ તરફ જતાં લુંટારુઓને થાપ આપી કારાશહર પહોંચ્યો. બેદલ પાસને વટાવી કિર્ગીસ્તાન પહોંચ્યો. ગોક્તુર્કના ખાનને મળ્યો. ત્યાંથી નૈઋત્યમાં તાશ્કંદ, ઉઝબેકિસ્તાન થઈ રણ ઓળંગી સમરકંદ પહોંચ્યો. દક્ષિણ તરફ અમુદારીયા અને તમ્રેજ પહોંચી બૌદ્ધ સાધુઓને મળ્યો.

◆ ત્યાંથી પૂર્વમાં કુંડુજ ગયો. ત્યાં સાધુ ધર્મસિંહને મળ્યો. પશ્ચિમે બાલ્ખ હાલનું અફગાનીસ્તાનમાં બૌદ્ધ ધર્મ સ્થળો જોયા. ત્યાના નવવિહારને પશ્ચિમના છેવાડાનું સ્થાન ગણાવ્યું.

◆ ત્યાં પ્રાજ્ઞાનકારા નામના સાધુ પાસે ભણ્યો. ત્યાં  અગત્યનો ગ્રંથ ‘મહાવિભાસ’ નો અનુવાદ ચીની ભાષામાં કર્યો.

◆ હવે તે બનીયન પહોંચ્યો. ત્યાના રાજાને મળે છે. મહાયાન સંપ્રદાય સિવાયના સાધુઓને મળે છે. ત્યાં જોયેલી બુદ્ધની બે મહાન મૂર્તિઓનું તેને અદભૂત વર્ણન કર્યું છે.

◆ હાલમાં આ મૂર્તિઓ તાલીબાને તોડી નાખી છે. હાલના કાબુલની ઉત્તરે કાપસી પહોંચે છે.  કાપસી એ જ મહાભારત વખતનું ગાંધાર.

◆ ત્યાં જૈન અને હિંદુ સાધુઓને પહેલી વખત મળે છે. ત્યાંથી આદીનાપુર હાલનું જલાલાબાદ પહોંચે છે.

◆ અહી તે ભારત પહોંચ્યો હોવાનું અનુભવે છે. ત્યાંથી હુન્ઝા અને ખેબર ઘાટ ઓળંગી ગાંધારની જૂની રાજધાની પુરુશપુર હાલનું પેશાવર પહોંચે છે. ત્યાં ઘણા સ્તુપો જોવે છે.

◆ સમ્રાટ કનિષ્કએ બનાવેલા સ્તુપો ખાસ હતા. ડી.બી. સ્પૂનર નામના એક સંશોધકે ઈ.સ. ૧૯૦૮ માં હ્યુંએનસંગના વર્ણન પરથી પેશાવરમાં સ્તુપો શોધ્યા હતા.

◆ હ્યુંએનસંગે કાળજી પૂર્વકના અદભૂત વર્ણનો કરેલાં છે.  સ્વાત ખીણ, બુનેર ખીણ વગેરે સિંધુ નદી પાર કરે છે. તે તક્ષશિલા, કાશ્મીર જાય છે,

◆ ત્યાં અતિ વિદ્યવાન સંઘયાસને મળે છે. દોઢ વર્ષ વિનીતપ્રભ, ચન્દ્રવરમાન, અને જયગુપ્તાની સાથે અભ્યાસ કરે છે.

◆ હ્યુ.એન.સંગ બુદ્ધની સભાના વર્ણનનો અભ્યાસ કરે છે. આ વર્ણનો કુશાણ સમ્રાટ કનિષ્ટના કરેલા છે. ચીનીઓટ અને લાહોર વિશે લખે છે.

◆ આગળ ચાલતાં જલંધર, કુલુવેલી, મથુરા, યમુનાનદી, માતીપુરાથી ગંગા નદી પાર કરે છે. ત્યાં મિત્રસેન પાસે ભણે છે.

◆ કન્નોજ હર્ષવર્ધનની રાજધાની, અયોધ્યા, કોશામ્બી, દક્ષિણ નેપાળના તરાઈ, કપિલવસ્તુ અને બુદ્ધનું જન્મ સ્થળ લુબીનીથી, બુદ્ધનું મૃત્યુ સ્થળ કુશીનગર, સારનાથ, વારણાસી,  વૈશાલી, પાટલીપુત્ર, બોધગયા, નાલંદા જ્યાં બે વર્ષ રહ્યો.

◆ ત્યાં અનેક વિદ્યવાનો સાથે સંપર્કમાં આર્યો. તર્કશાસ્ત્ર, વ્યાકરણ, સંસ્કૃતનો અભ્યાસ કર્યો. શીલભદ્રને મળે છે.

◆ મહાયાન સંપ્રદાયના પ્રણેતા અસંગ, વસુબંધુ, હિન્ગરા, ધર્મપાલ જેવાઓ બુદ્ધનું તત્વજ્ઞાન આપે છે.

◆ અહી હ્યુએનસંગ સિદ્ધિ નામનો ગ્રંથ લખે છે.
ભારતથી પાછા ફરતા ૬૫૭ થી વધારે ગ્રંથો અને અગણિત બીજું સાહિત્ય લઈ જાય છે.

◆ હ્યુંએન્સંગનો મુખ્ય હેતુ યોગકારા ને આત્મસાત કરવાનો હતો.

◆ ભારત પર હ્યુંએન્સંગના ઘણા ઉપકાર છે.

◆ નાલંદા નામની અતિ પ્રાચીન વિશ્વવિદ્યાલય આપણે ભૂલી ગયા છીએ.

◆ નાલંદાની સાચી માહિતીઓ મેળવવા આપણે હ્યુંએનસંગના લખાણો ઉપર આધાર રાખવો પડે છે. લ્હાસાના પોટલા પેલેસમાં અનેક ગ્રંથો બહુ સાચવીને રખાયા છે.

◆ બખાત્યાર ખીલજીએ નાલંદાની લાયબ્રેરીનો નાશ કર્યો તે વખતે અમુક સાધુઓ કેટલાક ગ્રંથો લઈને તિબેટ ભાગી ગયા હતા.

◆ તેમના આ ગ્રંથો છે. દિલ્હીનો લોહ્સ્તંભને હજુ કાટ લાગતો નથી તે નાલંદાના શાસ્ત્રોની થીયરીથી બનેલો છે.

◆ હજારો વર્ષ જુની આપણી વિશ્વવિખ્યાત વિશ્વવિદ્યાલયનો અદ્ભૂત નમુનો છે.
સાભાર :- અંકિત પરમાર

ભારત-પાકિસ્તાન : યુધ્ધ ‘૭૧

Standard

આજે કેટલાને યાદ છે કે ૧૯૭૧ના ભારત-પાકિસ્તાનના યુધ્ધને ૨૦૨૧માં ૫૦ વર્ષ પૂર્ણ થાય છે….! એટલે કે ૨૦૨૧એ ભારત માટે યુધ્ધ ‘૭૧ની સુર્વણજયંતિ હશે. આવો એક ઝાંખી નાખીએ એ યુધ્ધની યાદો પર કે જેણે પાકિસ્તાન નામક દૈત્યના બે ફાડિયા કરી નાખેલા અને એ જ વખતે ભારતમાં લગભગ ૯૦,૦૦૦ જેટલાં શરણાર્થીઓ બાંગ્લાદેશથી આવેલા. કારણ કે પાકિસ્તાનની આર્મી દ્વારા તેના પર થતો અત્યાચાર હિટલરની નાઝી આર્મી બર્બરતાને પણ આંટી જાય તેવો હતો.

આ યુધ્ધ એપ્રિલ, ૧૯૭૧માં શરૂ થયેલું કે જ્યારે પાકિસ્તાને ભારતના પશ્ચિમ બાજુના અગિયાર હવાઇ મથકો પર આક્રમણ કરેલું. વળી,આ જ વખતે ઉપર કહ્યાં મુજબ ૯૦ હજાર જેટલાં પૂર્વ પાકિસ્તાનના શરણાર્થીઓ ભારતમાં ઘુસી આવેલા કારણ કે તેઓ પર પાકિસ્તાન આર્મી દ્વારા અતિશય અત્યાચાર થતો હતો, જે “ઓપરેશન સર્ચલાઇટ”ના આધિપત્યમાં થતો હતો. માટે,ભારતને યુધ્ધના ધોરણે કામગીરી કરવી આવશ્યક હતી.

૨૬ નવેમ્બરના રોજ ભારતના લશ્કરે બાંગ્લાદેશ અર્થાત્ એ વખતના પૂર્વ પાકિસ્તાનમાં પ્રવેશ કર્યો. પાકિસ્તાનને હતું કે ભારતની આ અવળચંડાઇનો વિરોધ કરવા અને પોતાને સમર્થન કરવા અમેરીકા કે ચીન મેદાને ઉતરશે. અને નહિ તો સંયુક્ત રાષ્ટ્રસંઘ તો હસ્તક્ષેપ કરશે જ….! પણ બદનસીબે એ વખતે તરત તો એવું કાંઇ ન થયું અને હતાશ પાકિસ્તાનને વળ ખાઇને પણ ૩ ડિસેમ્બર,૧૯૭૧ના રોજ મેદાને ઉતરવું પડ્યું. ભારતના હવાઇહુમલા અને અન્ય લશ્કર દ્વારા તેને ભારેખમ પ્રહારો ખમવાનો વારો આવ્યો. શ્રીમતી ઇંદિરા ગાંધીનું લોખંડી મનોબળ પણ ભારતીય સૈન્યની તાકાત ક્ષમતા વધારવા માટે કાફી હતું.

ભારતે તેની આક્રમક અને કુટનીતીવાન રણનીતિને પરિણામે પોતાના ૨,૦૦૦ સૈનિકના બદલામાં પાકિસ્તાનના ૬,૦૦૦ સૈનિકોને રોળી નાખ્યાં. ભારતે પાકિસ્તાનને કમરતોડ ફડકો માર્યો હતો. આ દિવસો પ્રધાનમંત્રી ઇંદિરા ગાંધી એકદમ શાંત નજર આવતા હતાં. કદાચ તેઓ એમ માનતા હોય કે આ યુધ્ધ ભારત માટે વિજયી જ છે…! યુધ્ધના એક દિવસ પછી તેઓ તેમના ઘરના બિસ્તરની ચાદર ખુદ બદલતાં જોવામાં આવ્યા હતાં અને અન્ય એક દિવસે પોતાના ઘરની સાફસફાઇ પણ પોતે જ કરતા નજરે ચડ્યાં હતાં….! આ વાત તેમના અંગત ડોક્ટર કે.પી.માથુરે પોતાના પુસ્તકમાં લખી છે. પોતે કામનો તણાવ દુર કરવા આવું કરતા હોય તો કોણ જાણે….!

ઉલ્લેખનીય છે કે,એ વખતે ગુજરાતના સપૂત એવા ફિલ્ડ માર્શલ માણેકશા એ પણ સૈન્યની અદ્ભુત રીતે દોરવણી કરી હતી. ભારતને યુનોનો સહકાર હતો. જેથી કરીને પાકિસ્તાન અને તેનું સમર્થન કરતાં ચીન અને રશયાને નાથી શકાય. ઉપરાંત વધતે ઓછે અંશે અમેરીકા પણ આમાં શામેલ હતું. ચીન દ્વારા ભારત પર દબાણ લાવવા માટે યુધ્ધવિરામ રેખાનો આ સમયમાં ભંગ કરવામાં આવેલ હતો. પણ આખરે ચીનને પણ ઝુકવું પડ્યું. અને ભારત તેનું લક્ષ્ય હાંસલ કરવામાં કારગત નીવડ્યું.

૪ ડિસેમ્બર,૧૯૭૧ના રોજ અને સત્તાવાર રીતે યુધ્ધ શરૂ થયાના એક દિવસ પછી પાકિસ્તાનના હદયસમા કરાંચી બંદર પર ભારતે હવાઇ આક્રમણ કર્યું. આ આક્રમણે પાકિસ્તાનની નૌકાસૈન્યની મોટાભાગની તાકાતનો ખુરદો બોલાવી દીધો. પાકિસ્તાનના બ્રહ્માસ્ત્ર જેવા PNS ખૈબર અને PNS મુહાફિઝ યુધ્ધજહાજોના ભારતે રીતસર “ભુક્કા” બોલાવી નાખ્યા, જ્યારે PNS શાહજહાં ગંભીર રીતે ઘાયલ થયું….!

ભારત દ્વારા આ યુધ્ધ જીતાયું તેનું મુખ્ય કારણ બાંગ્લાદેશના પ્રજાજનોનો પાકિસ્તાન તરફનો અસંતોષ હતો. ત્યાંના સ્વાતંત્ર્ય સેનાનીઓ પાકિસ્તાન આર્મી સામે ઝુંબેશો કરતા. યુધ્ધ પહેલાં ભારતે આ સૈનિકોને ભારતની વિવિધ સૈન્ય શિબીરોમાં પ્રશિક્ષિત કર્યા હતાં. જે આગળ જતાં “મુક્તિવાહિની”ના સેનાનીઓ તરીકે ઓળખાયા. જેમણે ભારતીય સેનાના પૂર્વીય કમાન્ડના આદેશાનુસાર બાંગ્લાદેશમાં સ્વાતંત્ર્ય લડત ચલાવી હતી. આ યુધ્ધમાં ભારતની જાસુસી સંસ્થા RAW [રીસર્ચ એન્ડ એનાલીસિસીસ વિંગ] નું પણ અતિ મહત્વનું યોગદાન હતું. તેમની જાસુસી પ્રવૃતિઓને લીધે જ ભારતે જ્વલંત વિજય હાંસલ કરેલો.

આ યુધ્ધ ઇતિહાસના સૌથી ટુંકાં યુધ્ધો પૈકીનું એક હતું જે માત્ર ૧૩ દિવસ ચાલ્યું હતું….! અને આ તેર દિવસમાં ભારતે પાકિસ્તાનના લશ્કરને ધોબીપછાડ આપી પરીણામે ઢાકામાં પાકિસ્તાનના પૂર્વીય કમાન્ડના અધિકારી એવા લેફટનન્ટ કર્નલ એ.કે.નિયાઝીને ભારતના લેફટનન્ટ જનરલ જગજીતસિંહ અરોડા સમક્ષ શરણાગતીના દસ્તાવેજો પર સહી કરવાની ફરજ પડી. અને પરિણામે નવા રાષ્ટ્રરૂપે “બાંગ્લાદેશ”નો જન્મ થયો.

આના પરિણામે પાકિસ્તાન દ્વારા આંતરરાષ્ટ્રીય માર્ગે ભારતમાં થતી દખલગીરી અને બાંગ્લાદેશના પ્રજાજનોની સહનશીલતાનો અંત આવ્યો. ભારત પોતાની અવિસ્મરણીય વિરતાને ક્યારેય નહિ ભુલે. સલામ છે ભારતના વીર જાંબાજ જવાનોને….!